在澳洲如何做到十一奉獻?

當我見到lee篇靈修標題即刻諗起
"幸福的爭札"

黎左澳洲四個月啦(都好快可?)
唔計聚會奉獻，
十一奉獻我四月先叫比到一兩個coin。
到最近一個月，終於可以比到張紙幣。



有無爭札? 有，但都只係十幾秒。
五蚊，夠我買魚買海鮮食兩餐
十蚊，夠我出街食一次飯，
十五蚊，可以係hoyt睇一套戲，
二十蚊，慳慳地已經係我一星期伙食錢。

我唔太鍾意lee篇文章講奉獻左，會有更多金錢回報。

個心態唔應該係咁。
但事實上當我甘心擺上，我一無缺乏。
我係香港同而家都成日講笑，我大把錢。因為我心中富有。

話說，今日唔記得左按機
(朋友們，我去到澳洲馬死落地下，
終於要按機啦!!!)
我話得返五蚊，eva話唔夠我可以借住比你，你幾時出糧。何想而知大家都諗到我好窮。

自有零用錢開始(小一)，我就堅持十一奉獻。

因為…
我唔敢講我可以好愛神。
我唔敢講我做到好見證。
我唔敢應承個個星期返崇拜。
我唔一定晚晚做靈修。

但至少有一樣野我控制到。
就係每次出糧之後就先扣起10%。
之後放入奉獻箱。

兄弟姊妹間好似好禁忌講十一。
好似我地應該體諒做唔到十一。
因為屋企要比家用，
要存錢讀書，要還loan等等。
但有無諗過係對天父信心唔夠??

另外可以留返d錢買名牌買高科技，
又何嘗唔係愛世界多於愛神?

我知道天父一定喜悅。
即使再微少的金錢，只要你甘心擺上。

可以奉獻真係一種幸福。

除左金錢，我要開始學習如何事奉，奉獻自己。

晚上一點，聽日八點起身，晚安。
感恩天父賜力量比我打lee篇Essay