陳柏宇!!! Jason!!! 其實佢真係好CUTE!!
我係香港從未認真搵過一份工。
兩份補習，會展，選民登記，會所，中環，
研究助理。都係人地介紹。
我對金錢工作事業無慾望。
雖然我係一個好有組織好認真既人。
但其實我既人生最重要係: 開心。
黎到澳洲我先重新學習點搵工，
真真正正去追求一份工。
其實我好面皮薄，真係好薄。
除左EMAIL，電話，真人去派CV，
之次都要先爭札，深呼吸，祈禱。
再去行動。
但係不知不覺我已經食左好多檸檬，
開始免疫，免疫力大大增加了。
感謝我DAD知道我有INTERVIEW時，
佢話:其實INTERVIEW都係一種經歷，
唔得都唔緊要，
咪當學習下點去INTERVIEW。
唔駛驚唔駛擔心。
比著以前我會嬲佢咁講，即係睇死我唔得。
但當我聽到佢咁講個下覺得好感動，
我唔敢講係咪人大左人成熟左。
但我真係覺得自己改變緊，
又或者係咁岩M到情緒化D易感動。哈哈
連陶陶都好溫柔咁講GOOD LUCK。
到底係你愈黎愈溫柔，
定係我愈黎愈識得欣賞同感恩?
我不斷同自己講，
"要享受過程，大於結果。"
我亦都不斷咁樣對其他人講，
安慰佢地我未搵到工。
其實我只係安慰緊自己，洗緊自己腦。
都係個句，檸檬就緊係酸嫁啦。
有得選擇邊個唔想飲汽水，
但當你感冒個時，其實你係需要一杯檸檬水。
你想要，同適合你既唔一定一樣。
凡事都可行，但不都有益處；
凡事都可行，但不都造就人。
(哥林多前書 10:23)
All things are lawful, but not all things are profitable. All things are lawful, but not all things edify.(1 Corinthians 10:23)
正正因為心急，
反而步伐要減慢，至少做決定要更加多時間。
因為好容易因為急就做錯左決定。
不斷的禱告，常存盼望，
我知天父正正為我安排最好的。
只要我甘心將自己擺上，全然依靠。
你們所遇見的試探，無非是人所能受的。
神是信實的，
必不叫你們受試探過於所能受的；
在受試探的時候，總要給你們開一條出路，
叫你們能忍受得住。(林前 10:13)
No temptation has overtaken you but such as is common to man; and God is faithful, who will not allow you to be tempted beyond what you are able, but with the temptation will provide the way of escape also, so that you will be able to endure it.(1 Corinthians 10:13)
https://www.youtube.com/
No comments:
Post a Comment